Викендов на 7 и 8 август се одржа Дваесетто јубилејно Генерално собрание на Светскиот Македонски Конгрес. Во присуство на околу 120 пратеници од Австралија, Бразил, Јужно-Африканската Република, Египет, САД, Канада, Шведска, Германија, Швајцарија, Австрија, Словенија, Италија, Бугарија, Грција, Србија, Албанија, Франција, Унгарија, Руската Федерација, Холандија и Македонија, Давесетто јубилејно Генерално собрание на СМК својата работа ја посвети на одбраната на државното име Македонија. 

Реферат за 111 годишнината од формирањето на Македонскиот Конгрес и 20 годишнината од неговото возобновување во Светскиот Македонски Конгрес поднесе претседателот на СМК Тодор Петров. 

- Светскиот Македонски Конгрес прерасна во неформален Светски Парламент на Македонците од сите делови на Македонија во целиот свет, во сложен динамички систем на органи и тела, тематски и регионални конференции, мисии пред меѓународни организации, канцеларии за врски, македонски заедници, на сите меридијани на земјината топка, во коишто се соработува, координира и разменуваат искуства, секој со оној во кој ќе ги препознае своите интереси. Светскиот Македонски Конгрес беше и остана авангарда на општествените реформи, Светскиот Македонски Конгрес ги мобилизира Македонците во сите делови на Македонија и во целиот свет. Светскиот Македонски Конгрес го отвори македонското прашање, прашањето за положбата и правата на Македонците во сите делови на Македонија и во целиот свет, Светскиот Македонски Конгрес понуди трајно решение на се уште отвореното македонско прашање. И нема сила што ќе не измести од таа намера. Светскиот Македонски Конгрес им припаѓа на сите Македонци од сите делови на Македонија во целиот свет, затоа што сите заедно го градевме, сите заедно во него се вградивме. Во релативно оганичени материјални услови, создадовме големи духовни вредности, ги промовиравме универзалните вредности на македонската цивилизација на која и’ припаѓаме сите ние заедно, - рече во рефератот претседателот на СМК Тодор Петров. 

Со американско-турската делегација се сретнаа министрите за надворешни работи и за одбрана Антонио Милошоски и Зоран Коњановски.

„Сакаме да му порачаме на Конгресот дека е потребен балансиран дијалог, а не автоматски заземање на ставот на една страна, односно, да бидат слушнати сите страни и да не ја толкуваат историјата од аспект само на една страна. Македонските, грчките, турските и ерменските иселеници имаат нешто заедничко - сите се американски граѓани и треба да ги уживаат истите права“, изјави денес во Скопје, Линкен Мекерди, претседател на Турската коалиција на Америка, која ја финансира актуелната посета на делегацијата од 18 советници на американски конгресмени во Македонија, организирана од иселеничката организација од САД, Обединетата македонска дијаспора - ОМД.

Претседателот на ОМД, Мето Колоски потенцираше дека посетата не е дел од кампањата на македонската дијаспора од САД и Австралија, која под мотото „Никој нема право да преговара за моето име“ бара прекин на преговорите со Грција околу спорот за уставното име.

Според Колоски, со резолуцијата усвоена на јунскиот конгрес на ОМД, иселениците од Македонија го поддржуваат членство во НАТО и во ЕУ, но бараат зачувување на името и идентитетот, и се залагаат за покренување на постапка во ООН за менување на Резолуцијата 817 во делот за името и за отстранување на референцата - ФИРОМ.

„Потоа се надеваме дека ќе можеме некаква резолуција или барем писмо поддржано од страна на голем дел на пријателите во Конгресот и од новите пријателства што ги градиме за поддршка за НАТО“, вели Колоски:.

Според организаторите на гостувањето на 18-члената делегација на советници на американски конгресмени, со која во Скопје допатуваа и претставници на Турската коалиција на Америка и 15 професори и бизнисмени од Турција, тоа има за цел - запознавање на нејзините членови со Македонија, со ситуацијата во земјата и во регионот, и со можности за евентуална помош на Македонија за побрзо евроатлантско интегрирање.

Претседателот на Турската колиција на Америка, која како партнер на ОМД финансиски ја помогна посетата на американската делегација, смета дека во САД нема доволно познавања за Македонија и за Турција. Мекерди изјави дека македонските и турските иселеници во САД треба подобро да се организираат за да му парираат на силното грчко и ерменско лоби во САД.

„САД можат само да ги охрабрат Грците и Македонците да го решат проблемот и да одат напред оти и двете земји имаат свои проблеми со што се соочуваат и треба ди ги надминат“, потенцираше Мекерди.
Со американско-турската делегација се сретнаа министрите за надворешни работи и за одбрана Антонио Милошоски и Зоран Коњановски. Во соопштението на МНР се вели дека министерот Милошоски ги поздравил добрите пријателски односи меѓу Македонија и САД, изразил задоволство за одличната соработка на АРМ и Националната гарда на сојузната држава Вермонт и, потенцирајќи ја големата благодарност за континуираната и безрезервна поддршка на САД за Македонија, го пренел и очекувањето на македонската јавност за позасилена поддршка и отворено лобирање од САД во рамките на НАТО - за добивање на покана за членство на Македонија во Алијансата, уште на Самитот во Лисабон во ноември годинава.
Министерот Коњановски со гостите разговарал за соработката во мировните мисии во Ирак, во Авганистан, во Босна и во Либан, за улогата на Македонија во регионот, за односите со соседите и за реформите во областа на одбраната и во поглед на зачленувањето во НАТО.
Покрај Скопје, гостите од САД и Турција за време на престојот во Македонија, ќе ги посетат и Битола и Охрид.

mn.mk

ilinden-tirana.com

Со македонско оро и песна, жителите од областа Голо Брдо од двете страни на македонско албанската граница, за првпат, во селото Требиште на албанска страна заедно го прославија, 2 август денот на двата Илиндена. Тоа благодарение на можноста да минат преку преминот Џепиште –Требиште, кој функционирал се до средината на минатиот век. 

- Делегација на Република Македонија првпат официјално минува на граничниот премин Џепиште –Требиште. Со нашето поминување, нашето покажување на патните исправи практично означуваме една нова конекција меѓу Македонија и Албанија, што е од исклучително значење за граѓаните на Голо Брдо, рече заменик министерот за надворешни работи Зоран Петров.

За жителите, кои се роднински поврзани, ова претставува многу значаен ден зашто ќе може да се видат, заедно да поминат радости и таги. Во исто време поради близината ќе имаат можност да пазаруваат во Дебар, но и да пласираат земјоделски и сточарски производи како некогаш.

- Јас како селанец поминувам тука слободно. Се надеваме дека нашите комуникации ќе бидат многу поубави од денес и тоа стварно е голема радост, вели жител на Отишани.

- Ова е многу убаво,ова што го напраја со патот. Овој пат што се напрај за нас. Дебар ни е поблиску, вели жител на Требиште.


Досега тие мораа да одат преку премините Блато и Ќафасан а од таму по макадски пат уште со часови. Сега до Дебар ќе стигнуваат за помалку од половина час.

За да постојано функционира овој премин ќе мора да се преземат дополнителни активности, по што ќе се овозможи непречен проток на луѓе и стока. 

Vera Todorovska

ilinden-tirana.com

Македонското друштво "Илинден" - Тирана

Почитувани граѓани и граѓанки, почитувани Македонци и Македонки во Република Албанија и во целиот свет, во името на Македонското друштво "Илинден" - Тирана и во свое име ви го честитам најголемиот Македонски празник ИЛИНДЕН со желба за многу години да го почитуваме и славиме Илинденското востание.

Македонско друштво "Илинден" Тирана

Претседател:

Никола Ѓурѓај

Македонците во Албанија денеска ќе му се пожалат на амбасадорот на ОБСЕ во таа земја, Робер Бош, поради асимилаторската политика што бугарските власти континуирано ја спроведуваат врз припадниците на македонското малцинство. Тие се огорчени што Бугарија секојдневно испраќа свои емисари, кои имаат за цел да ги убедат Македонците дека се Бугари.
Едмонд Темелко, претседателот на „Македонска алијанса“, партијата на Македонците во Албанија, вели дека основната намера на Бугарија е да прикаже дека во соседните земји живее бугарско малцинство, а не македонско.
- Бугарија вешто ја користи лошата економската состојба на Македонците што живеат во реонот на Мала Преспа и им нуди бугарски пасоши и можност за вработување со цел на пописите да се изјаснуваат како Бугари - нагласува Темелко.
Дека Бугарија е сериозна во своите намери се гледа и од најавената посета на бугарскиот министер за дијаспората Божидар Димитров и на Веселка Тончева од Институтот за етнологија во Голо Брдо, која, според нив, треба да ги зацврстат врските меѓу Бугарите во Албанија и нивната матична држава.
Мисијата е наречена „Истражувачка експедиција“ и за почеток треба да организира часови по бугарски јазик за младите луѓе во овој регион.
Тончева во својата книга „Бугарите од Голо Брдо, традиции, музика идентитет“ тврди дека луѓето што живеат во албанското Голо Брдо според обичаите и говорот се автентични Бугари.
Васил Стерјовски, потпретседателот на Општина Пустец, вели дека ваквата политика Бугарија континуирано ја спроведува веќе петнаесетина години и дека во нивната борба мора да имаат помош и од Македонија.
- Намерата на Бугарија е да прикаже пред меѓународната јавност дека Македонија е вештачка творба и затоа дури ни во соседните држави не живеат Македонци туку бугарско малцинство. Иако бугарската политика, генерално, нема голема поддршка меѓу локалното население, одреден број луѓе земаат бугарски пасош - вели Стерјовски.
Стерјовски објаснува дека вина за третманот на тамошното население има и Македонија, која со многу тешкотии им издава пасоши и државјанства на Македонците од Албанија. Бугарија не е единствената држава што спроведува ваква политика во Албанија. Тоа го прави и Грција, која годишно троши и по еден милион евра за пензии за сите жители од овој регион што ќе се декларираат како Грци.
Македонците во Албанија се судираат со проблеми со изучувањето на македонскиот јазик во сите општини каде што живеат.

vreme.com.mk

ilinden-tirana.com

Над 7.300 книги на македонски вчера требаше да стигнат до Македончињата во Голо Брдо, Албанија. Меѓутоа на граничниот премин „Блато“, на македонско-албанската граница, не беше дозволено книгите да го продолжат патот.

Книгите, главно детска литература, по некоја бојанка и сликовници, собрани во хуманитарната акција „Книгата моја патува“, што ја организираше партијата ДОМ по повод 24 мај, Денот на сесловенските просветители Св. Кирил и Методиј, не стигнаа до саканата дестинација. Над 7.300 книги, прописно спакувани, беа вратени од граничниот премин Блато, на албанско-македонската граница кај Дебар.

„Изненадени сме и шокирани. Не знам за какви списоци на дозволени или недозволени книги се работи. Вакво нешто навистина не очекуваме, се работи за најобична хуманитарна пратка од книги за деца, боенки, детски прибор за школска возраст“, вели претседателката на Демократската обнова на Македонија и пратеник во македонскиот парлемент, Лилјана Поповска.
Албанските цариници поставиле серија услови, кои Поповска делумно ги оценува како невозможни и нефатливи. Како прво, албанската царина побарала примач на донацијата да биде општина, а не невладина организација. Кога тоа го решиле со општина Требиште, царинските работници излегле со други барања, меѓу кои и ова.

„Да сме ги прашале авторите на тие книги дали се согласуваат да бидат внесени во Албанија. На крај, по долги убедувања и објаснувања, покажаа подготвеност и ни кажаа дека можеме да поминеме ако дојде овдека претсавник на министерството од подрачната единица во Булќиза, за да биде присутен кога ќе се отвораат пакетите со книги. Таман се сгласивме и на тоа - дојде четири часот, кога веќе не работи министертвото за образование“, истакнува Поповска.

Акцијата не запира

Од ДОМ не се откажуваат, книгите мора да бидат пренесени до децата од Голо Брдо. Се` што се бара ќе го обезбедиме како документ, вели познатиот македонски актер Ѓорѓи Јолески и претседател на Комисијата за култура во ДОМ:
Акцијата не само што нема да запре, туку ќе продолжиме со собирање на книги и ќе отидеме да ги даруваме заедно со уметници од Македонија.“

Од албанска страна, пак, велат дека причина за забраната за влез на македонските книги е недостигот на потребната документација од министерството за образвание на Албанија, односно авторизација врз основа на каталогот на министертвото.

Едмонд Османи, организатор на курсевите по македонски јазик, вели дека му е жал за децата кои со нескриена радост ги чекале книгите:

„Тие ги чекаат, многу се радуваат кога ќе стигнат книгите. Многу сакаат да учат, оти мајчин јазик им е македонскиот.“

И организаторот на акцијата „Книгата моја патува“ и оние кои ги чекаат книгите, се надеваат дека набрзо тие сепак ќе стигнат во рацете на децата од Голо Брдо, особено до оние кои по спроведениот курс веќе знаат да читаат на македонски јазик.

DW
Вера Тодоровска

ilinden-tirana.com

Претседателот на Илинден од Тирана Никола Ѓурѓај ја информираше јавноста повеќе околу активностите на КУД Илинден од Тирана на кој настапија во Охрид на фестивалот „Разиграно Оро“ заедно со другите Македонски културно уметнички друштва од Пиринска Македонија (Светлина) , од Солун (Солунчанка), од Србија (куд Тоше Проески)  и од другите места а се дружеле неколку дена во градот Охрид.

Прекрасно било чуството да се дружи мегусебно и да се зборува на мајчин Македонски јазик.
Организаторот било „Разиграно оро“ било „Филигран“ од Охрид и активистот Љупчо Јузмески кординатор на дијаспората.

Има план наредната година година овој фестивал да биде поголем и се предвидува настап на играорни и од дијаспората  со цел да се дружат Македончињата од сите континенти.

informator.ws

ilinden-tirana.com