Македонски (Macedonian)Albanian-ALEnglish (United Kingdom)
Дома

15894413 10210265541826869 1337301706468601472 n

logo-fakturi

baner1

Macedonians rights in Albania

Macedonians in Albania
 
Честитка од Македонско друштво „Илинден“-Tирана за празникот Илинден PDF Печати Е-пошта
Недела, 05 Август 2018 22:04

 

 

Почитувани Македонци и Македонки во Република Албанијаи и насекаде во светот, во името на Македонско друштво “Илинден“-Тирана и Македонско друштво “Илинден”- Огранок Голо Брдо ви честита најголемиот Македонски празник Илинден, да го почитуваме и славиме овој голем ден во чест на Илинденско востание од 1903 - та.

 

Македонско друштво “Илинден”-Тирана 
Претседател Никола Ѓурѓај

 

Македонско друштво “Илинден”- Огранок Голо Брдо
Претседател Или Халилај


www.ilinden-tirana.com

 
ФУЕН изгласа резолуција поднесена од македонско друштво "Илинден“- Тирана PDF Печати Е-пошта
Вторник, 26 Јуни 2018 10:17

 

Федералната унија на европските малцинства (ФУЕН) на 63-от Конгрес што се одржува во Леуварден, Холандија едногласно усвои Резолуција со која ги подржува Македонците во Република Албанија, во барањата за надминување на проблемите, предложена од македонското друштво „Илинден“со седиште во Тирана. Нашето друштво, како официјален член на ФУЕН, го искористи правото да ја достави резолуцијата до Конгресот што се одржува во Леуварден, Холандија. За истата гласаа сите 260 делегати – претставници на 50 асоцијации на повеќе од триесет малцинства од исто толку земји во Европа, -изјави за Македонски весник Илинден,Никола Ѓурѓај, претседател на друштвото и учесник на Конгресот.

Резолуција содржи пет точки во кои стои:

1. Македонско друштво “Илинден“-Тирана и македонското национално малцинство во Република Албанија бара од албанската влада корекција на Законот за административна поделба и од општините,по три, што функционираа порано во Голо Брдо и Гора да има по една општина и да се именуват општина Голо Брдо и општина Гора. Тоа поради фактот што административна поделба спроведена 2015 година не исполнува ниту еден критериум од оние кои ги постави самата влада, како што се демографски, географски, економски и културни,кои се многу значајни за областите каде живе македонско национално малциство. Згаснувањето на општините во Голо Брдо и Гора го отежнува животот на жителите во двете области, зашто, дури за обичен документ треба да патуват со часови до новите општински центри.

2. Македонското национално малцинство во Република Албанија бара да има загарантирано најмалку еден пратеник во Парламентот на Албанија.

3. Македонско друштво “Илинден“-Тирана и македонското национално малциство во Република Албанија го осудува амандманот за измената на Извештај за Албанија донесен од Европскиот Парламент за 2016 година што го поднесоа Ангел Џамбаски и Андреј Ковачев. Во точка 24 од извештајот за Албанија со број 2016/2312 (ini) изготвен од Комитетот за Надворешни Работи на Европскиот парламент, со кој македонското национално малцинство во Преспа, Голо Брдо, Гора беше прогласено за Бугарско. Се повикува Европскиот Парламент да ја повлече ова резолуција како срамна и неоснована,зашто во тие регини во сите пописи спроведени во Албанија никој се нема изјаснато како Бугарин.Во тие региони како и на цела територија на Албанија живеат единствено Македонци а не Бугари.

4. Македонско друштво “Илинден“-Тирана ги осудува сите напори што ги прави бугарската држава да докаже дека македонското национално малциство е бугарско тоа е геноцид врз Македонците во Албанија. Бара од албанската влада да превземе мерки да престанат активностите на бугарската влада да ги асимилира Македонците на територијата на Албанија.

5.ФУЕН искажува подршка за сите барања на македонското национално малцинство во Република Албанија и ги осудува сите обиди на бугарската држава да го прикаже македонското национално малцинство како “бугарско”. Резолуција, ФУЕН ќе ја достави до Владата на Република Албанија, шефот на државата, парламентот и меѓународните институци. Македонско друштво „Илинден” рамноправен член на ФУЕН е од средината на мај 2015 година и стана прво друштво на Македонци надвор од матичната држава, во Европа, кое е рамноправен член, со право на глас. На Конгресот присуствувале 200 претставници од 98 членки на ФУЕН од 33 држави од цела Европа.


www.ilinden-tirana.com

 
Македонците од Албанија со свој производи на саемот на Федералната унија на европските националности PDF Печати Е-пошта
Недела, 24 Јуни 2018 21:23

Во холандскиот град Леуварден почна со работа 63 Конгрес на Федералната унија на европските националности, ФУЕН, на кој учествува и македонското друштво “Илинден“-Тирана. Пред официјалниот почеток на Конгресот отворен беше саем на кој претставниците на малцинствата од Европа, на свои штандови претствија дел од традиционлани производи,како и пропаганден материјал. Нашето друштво за првпат има свој штанд, побуди голем интерес. Имаме изложено производи кои Македонците во Албанија ги произведуваат, ајвар, ракија, вино, колачиња, кои ги прават нашите жени за одбележување на слава, тиганици (мекици). Исто така имаме пропаганден материјал на кој се претставени македонскиите носии, убавините на областите каде што живеат Македонците, како и примероци од единствениот весник на македонски јазик “Илинден“, – вели Никола Ѓурѓај, претседател на Македонско друштво “Илинден“-Тирана и учесник на Конгресот, во изјава за Македонски весник “Илинден”. Покрај другото на Конгресот се очекува да биде усвоена Резолуција за правата на македонците во Албанија, предложена од македонско друштво “Илинден“-Тирана кое е единствено друштво што ги претставува Македонците на овој собир. Конгресот што го организира Советот на Фризиското движење, организација, членка на ФУЕН, ќе трае до 24 јуни а учествуваат 250 претставници од 90 друштва на малцинства од 32 земји во Европа. Македонско друштво „Илинден” рамноправен член на ФУЕН е од средината на мај 2015 година.


www.ilinden-tirana.com

 
Македонско друштво “Илинден”-Тирана е против промената на името PDF Печати Е-пошта
Среда, 13 Јуни 2018 08:58

 

 

Македонско друштво “Илинден”-Тирана и Македонско друштво “Илинден”- Огранок Голо Брдо најостро ја осудува најавата за договор меѓу грција за промена на името на државата Македонија и идентитетот на Македонската нација! Постојана грижа на Македонското национално малциство во Албанија е унапредувањето на положбата и правата на Македонците. Меѓутоа, секоја промена на името на државата Македонија и идентитетот на Македонската нација ќе го загрози идентитетот на Македонците во целиот свет, во соседните земји на Република Македонија и во Република Албанија! За жал, преговорите јасно покажаа дека Грција бара промена на македонскиот идентитет. Впрочем, власта и во Грција и во Бугарија недвосмислено изјави дека Македонија може да влезе во Европската Унија, но не и “македонизмот“. Токму затоа, Македонско друштво “Илинден”-Тирана и Македонско друштво “Илинден”-Огранок Голо Брдо отфрла било какви разговори за името на Македонија како матична држава на Македонскиот народ, затоа што името на државата е идентитетот на нацијата, а името на националноста по автоматизам се определува од името на државата! Македонците во соседните држави на Република Македонија, го бранат своето права на постоење и апелираат до меѓународната заедница да ги одбрани нивните најосновни човекови права, во согласност со универзално прифатените и ратификувани конвенции за човекови права и да ја спречат денационализацијата врз Македонскиот народ и деловите на Македонскиот народ во соседните земји на Република Македонија! Македонско друштво “Илинден”-Тирана и Македонско друштво “Илинден”-Огранок Голо Брдо, бара безусловен крај на преговорите меѓу Македонија и Грција за промена на името на државата и иденитетот на нацијата! Нашето име е Македонија, барајте да се почитува и тоа и ќе го добиеме!

 

Македонско друштво “Илинден” –Тирана

Македонско друштво “Илинден”- Огранок Голо Брдо


www.ilinden-tirana.com


 
Македонско друштво “Илинден”-Тирана упатува остра осуда на бугарската пропагананда во Гора PDF Печати Е-пошта
Вторник, 05 Јуни 2018 22:39



Македонско друштво “Илинден”-Тирана го изразува своето жалење што официјална Софија, спротивно на декларираните заложби за добрососедство со . Македонија, а со тоа и со македонскиот народ, ја засилува својата антимакедонска пропаганда меѓу Македонците во областа Гора, во Република Албанија, обидувајќи се да ги претстави како “Бугари“. Македонско друштво “Илинден”-Тирана и Македонско друштво “Илинден”-Огранок Голо Брдо, акао и многупати досега се застапува за вистината, а според која Македонците во областа Гора се неотуѓив и нераскинлив дел од македонскиот народ! Нивната самосвест е македонска, а обидите на бугарската политика да го обезличи и побугарчи ова македонско население се остваруваат со уцени и подведувања во смисла на подобрување на нивниот социјален статус и економска положба со делење на бугарски пасоши, со стипендии за студирање на младите Македонци. Цената на тие бугарски „услуги“ се сведуваат на потпишување на изјава дека Македонците се Бугари и дека и нивните предци биле Бугари. И кога сето тоа го работи една членка на Европската Унија, пред очите на сите европски држави, македонскиот народ бара помош од албанската Влада. Но! Македонците во Албанија никогаш не биле, ниту своеволно би биле “Бугари“! Македонско друштво “Илинден”-Тирана и Македонско друштво “Илинден”-Огранок Голо Брдо апелира Владата на Албанија да преземе сериозни мерки во грижата за положбата и правата на припадниците на македонскиот народ во Република Албанија. Според документи од бугарска и француска провиниенција од 1923 година, со кои се потврдува дека населението во пограничниот регион помеѓу Албанија и Македонија се чуствувало и изјаснувало за Македонци. Сепак, за потребите на големобугарските аспирации врз македонскиот народ, Бугарија „создава вештачки проблем со бугарско малцинство во Албанија“. Бугарија и досега, не признава македонска нација, иако признава македонска држава, па затоа каде што има Македонци претендира дека се Бугари. Македонско друштво “Илинден”-Тирана и Македонско друштво “Илинден”-Огранок Голо Брдо го потсетува бугарското раководство дека македонската нација е исторски факт и дека нам не ни треба одобрение од други држави за да се изјасниме дека сме тоа што сме. За овие бугарски аспирации се има изјаснето и м-р Васил Стерјовски кој истакна дека има „...еден документ од италјанските архиви околу неоснованото тврдење на Бугарија за 18 села што тогаш се граничат со Југославија дека се бугарски села. Генерал Енрико Телини кој е член од Италија во комисијата за утврдување на гранците на Албанија, спровел анкета меѓу жителите во овие села и го известува претставникот на Италија во Истанбул дека во овие 18 села живее македонско население, а не бугарско. Кога ги прашувал за нивната етничка припадност, на прашањето дали се Бугари сите одговориле дека се Македонци, пишува во неговиот извештај од од 22 август 1923 година. Ова се оригинални документи, рече Стерјовски. Тој покажа документ и од бугарските архиви, односно писмо од претсавникот на бугарската амбасада во Истанбул, Тодор Марков од 15 септември 1923 година испратено до Министерствто за внатрешни работи на Бугарија. Писмото е во врска со селата во кои што Бугарите претедираат дека има бугарско население во Албанија, а во него меѓу другото стои: Офицерите на комисијата ги помина сите села долж границата и детално ги прашаа селаните каква е нивната националност. Не слушнале да одговорат дека се Бугари, туку дека од нив добивале одговор дека се Македонци, прочита Стерјовски дел од писмото.Тој покажа уште еден, како што рече, неодамнешен документ, односно мемоари на полковникот Андре Орион што пред една годна биле објавени, а кој бил претставник на меѓународната комисија за утврдување на границата во 1923 година. Орион ја претставувал Франција во комисијата. Што пишува во своите ракопси што првпат беа објавен во Албанија, посебно за Корчарската каза. Лично бев воодушевен кога го слушнав ова храбро население кое не се чинеше национално несигурно, да ни одговори без двоумење на јасното прашање: Која е вашата нацоналност?…Македонска…И всушност јазикот, носијата и обичаите, посебно женската носија беа зачувани недопрени од времето. Не престанав да му се восхитувам на ова сиромашно, но гордо население, кое во 2.500 години ропство ја имаше зачувано својата нацоналност. Колку ми беше жал што не можев да сторам ништо за нив. Секој момент имав желба да извикам ‘Да живее слободна независна Македонија’. Во Глобочани, на брегот на Преспа каде што го имав поставено својот штаб во март 1918 година каде престојував една седмица се сретнав со еден старец, кого го имав запознато од порано. Откако го сместив, го замолив да ми каже дали има нешто да ми каже за донесените одлуки. Беше многу тажен, но на мојата упорност одлучи да зборува давајќи ја оваа изјава: Нам Македонците ни недостига еден татко, односно претседател. Нема потажо за нас кога гледаме мали држави, како Бугарија или Србија кои сакаат да ни ја земат нашата терторија. Ќе бидеме среќни само кога ќе сме сами, раководени и администрирани од нас самите, од вистинските Македонци. Ова е документ од 1923 годна. Ова се исторски факти и документи, констатира пред кои сакале или не треба да се поклонат и мора да ги почитуваат негаторите на македонскиот народ кои тврдат дека Тито ја измислил македонската нација во 1944 година и оние кои вештачки прикажуваат бугарско малцинство во Република Албанија“.Потпирајќи се на историските факти и сознанија Македонско друштво “Илинден”-Тирана и Македонско друштво “Илинден”-Огранок Голо Брдо, покрај другото, ја изразува и својата загриженост заради апатичната политика на македонската Влада во однос на македонското малцинство во Албанија.

 

www.ilinden-tirana.com

 
<< Почеток < Пред 1 2 3 4 5 6 7 8 9 10 Следно > Крај >>

Страница 2 од 74